交通 Transport教育 Education斯德哥爾摩 Stockholm會員專享社會 Society

開學啦! 瑞典留學校園生活讀書小貼士

開學啦! 瑞典讀書生活貼士

話咁快又到開學嘅時間啦! 再一次恭喜大家喺瑞典聯招取得學位嘅朋友,喺度我會為大家分享瑞典留學生活嘅幾個小貼士: 開學啦! 1. 讀書、上堂、考試 今年瑞典部份大學已經回復喺校園見面上堂,至於其他大學就會提供見面+網上上堂。記得去自己大學內聯網確認課程註冊 (否則可能會冇書讀)! 凡有課程註冊就可以去申請/攞學生證。 瑞典嘅大學課程比較注重互動、分組討論、自行探索。上堂當然會有教書,但更多時係分組討論、發表意見。功課嚟講,基本上參唔多一定有group project。 喺瑞典住,基本上一定要識數 week number (每星期由星期一開始),各大學校、公司、公營機構都會使用。例如今年係 week 36 開學,聖誕係 week 52。 留意吓course outline嘅assessment部份,會講明邊啲係計份嘅堂,邊啲唔係。唔係計份嘅堂,通常都可以走堂 (走得多堂嘅話最好同老師講聲)。計份嘅堂,miss咗嘅話通常按規定要提供補課/替代功課。 每個 programme 都會有個 programme coordinator,如果要討論讀書進度、揀科、休學等,可以同佢傾。 如果想學瑞典文,有兩個途徑。第一係報讀自己大學嘅課程,好多時都係唔計學分。第二係去自己住嗰度嘅市政府 (以人口登記為準) 讀 Svenska för invandrare (SFI) 新移民免費標準語言課程。 瑞典大學除暑假外會放兩次假: 聖誕節 (長假,通常兩個星期)、復活節 (短假,通常只放公眾假期)。 考試 (瑞典文 tentamen,簡稱 tenta; 留意 examen 喺瑞典文指畢業!) 通常都係校方統一管理,可能會唔同course嘅同學一齊考,要check身份証等等。部份course可能會實行在場電腦考試,即係要喺自己電腦安裝一個特別考試程式,然後帶去試場,程式會喺考試期間將畫面鎖定喺試卷,期間上唔到網等等,雖然聽落有啲麻煩,不過的確係公平嘅。部份course會以寫essay/take home exam作為主要評核。 考試唔合格,通常按規定可以補考,唔需要 retake。部份例如Karolinska醫學院會限五次補考。成績太差可能會無法升班,但我未聽過會好似香港咁probation/勒令退學。 做運動唔一定要去 gym ,好多瑞典人都會去野外跑步。 2…....