Gotland 哥德蘭島會員專享歷史 History

騎士抗疫? 維斯比出動中世紀騎士提醒遊客注意衛生

瑞典維斯比 Visby, Sweden

新冠肺炎繼續肆虐,但係放緊暑假嘅瑞典人正喺度周圍走去旅行,點先做到安全衛生? 哥德蘭島 (Gotland) 嘅古城維斯比 (Visby) 諗到出動中世紀騎士,唔係真係打仗,而係時刻提醒遊客要保持距離,並且要加倍注意衛生。

維斯比係中世紀古城,大概喺十二世紀開始建城,依家係聯合國教科文組織世界文化遺產之一。維斯比曾經係漢莎海上貿易聯盟 (Hansa League) 嘅成員,興盛一時,1645年因為丹麥戰敗割讓哥德蘭島而成為瑞典領土。

歐洲旅遊業非常依賴夏天高峰期,所以歐洲各國急於喺安全嘅前提下恢復互相通關、重新開放旅遊。而瑞典勞工法例保障僱員每年可以連續四個星期放暑假 (另加一個星期例假可以喺其他時候放),唔少公司會直接打烊放暑假,所以依家正正係瑞典人周圍走嘅時候,即使新冠肺炎繼續肆虐,依然無阻瑞典民眾旅遊意欲。

(資料圖片)