Skåne (斯干尼亞 Scania)旅遊 Travel會員專享默爾姆 Malmö

瑞典南部 Skanör 天涯海角絕世日落秘景

Skanör 日落秘景

瑞典幅員廣闊,由南至北長達1500公里,其中南部嘅斯干尼亞地區 (Scania/Skåne) 距離丹麥和德國只有一海之遙,嗰度嘅海天景色深受各國遊客歡迎,而且乘搭公共交通亦係十分方便,唔駛租車都可以享受絕世秘景。 今日要為大家介紹嘅,係距離 Malmö 只有一個鐘車程嘅天涯海角 Skanör。 歷史上曾經興盛一時嘅市集 Skanör 位於瑞典西南角嘅一個半島,嗰度喺維京時期同中世紀曾經係商埠,後嚟被 Malmö 等取代,依家只係一條小漁村,但係亦都吸引咗唔少有錢嘅瑞典人置業居住。 由 Malmö Centralstation 搭 100 號巴士去 Skanör 村中心,只係需要45至60分鐘。 Malmö 中央火車站 由村中心出去,會有條通往海邊嘅行人路同單車徑。 仲夏節用嚟圍住跳舞嘅高柱 沿途有池塘、沼澤等景色,重有雀鳥同牛等動物呀! Skanör 係向西突出嘅海角,除咗睇日落一流之外,重可以見到遠處嘅 Öresundsbron (厄勒海峽大橋) 同對岸嘅丹麥哥本哈根! 如果想落水玩,行一公里左右重有天體海灘 (即係可以剝光豬嗰隻),不過要注意安全,唔好玩到太夜呀! 依家你可以利用 Metrunner 輕鬆上網體驗 Skanör: https://app.metrunner.com/game/index.html?course=skanor… 請登入以閱讀本文章 Please log in to read this article....