新聞 News會員專享

瑞典首次單日冇新增因為新冠肺炎而死亡嘅個案

今日 (星期日) 係瑞典母親節,謹祝天下所有媽咪母親節快樂。

新冠肺炎疫情已經持續咗幾個月,瑞典公共衞生局 (Folkhälsomyndigheten) 今日宣佈,過去二十四小時冇新增因為疫情而死亡嘅個案,係自從三月十三日起第一次單日冇死亡個案。

不過由於週末可能影響醫院通報案例,當局亦表示星期一死亡個案可能會再度增加。

截正今日,瑞典官方數字顯示全國有37 542人確診新冠肺炎,4 395人死亡。瑞典政府由於拒絕跟其他國家實施全面停課或者禁止出街等措施,甚至繼續畀其他歐盟成員國公民去瑞典旅遊,呢幾個月受到全球關注,但係睇返瑞典平均每一百萬人確診同死亡個案比率,其實目前都低過意大利、英國、西班牙等其他歐洲國家,顯示瑞典嘅抗疫策略就算未必能夠達成群體免疫 (herd immunity),其實亦唔算特別冒險。

資料來源: 晚報 (Aftonbladet)

(資料圖片)