瑞典政府擬放寬體育、文化活動 50人限制

新冠肺炎嚴重打擊經濟,瑞典文化、體育界人士近日不斷請求政府喺安全嘅前提下,放寬50人限聚令,以便恢復公眾活動,保障業界前途。

政府今日發表建議,由今年十月一日開始,演唱會、體育比賽等超過50名觀眾嘅活動,將可以獲得豁免限聚令,條件係每名觀眾之間保持兩米距離。設嘉賓表演嘅餐廳,由於早前被當作係公眾表演而被禁止,將來亦可獲得豁免。至於大量公眾參與嘅體育活動可唔可以獲得豁免,例如跑步、定向比賽等,就未有詳情。

對於呢啲獲豁免嘅公眾活動會唔會有新嘅人數上限,就要等待公共衞生局 (Folkhälsomyndigheten) 評論。

政府另外建議,批出援助金畀體育、文化界,合共廿五億瑞典幣。

資料來源: 瑞典電視 (SVT)