膠杯及膠製包裝新增徵稅減廢物 瑞典政府建議下年十一月起實施

瑞典政府建議立法,由2021年11月起,膠杯同膠製食物包裝將會開始徵稅。每個膠杯建議收瑞典幣5蚊,食物包裝每個收瑞典幣7蚊。但係對於一定要使用獨立膠製包裝嘅食物,例如乳酪,就可以獲得豁免。

以膠杯盛載嘅珍珠奶茶 Bubble tea in plastic cup
呢杯喺瑞典發售嘅珍珠奶茶,出年十一月開始要收多5蚊稅。

現今市面上唔少塑膠都係唔可以生物降解 (biodegrade),垃圾為生態帶嚟威脅。歐盟舊年 (2019年) 已經發出指引要求各成員國,由2021年起全面禁止使用膠製飲管、餐具等只能夠用一次嘅塑膠製品。瑞典政府今次嘅建議喺呢個規定嘅基礎上再行多一步,希望進一步減少社會使用塑膠,保護環境。

新稅項預計為庫房每年增加38億瑞典幣收入。由於今次徵稅會導致食品價格上升,預計消費者每年每人開支將會增加瑞典幣大約300至900蚊。

資料來源: 晚報 (Aftonbladet)

(資料圖片)